part 1
"ကိုနှင်းစက်သွေး ကိုကိုရော ..."
အမောတကောနှင့်သူ့ရှေ့ရောက်ချလာသော ကောင်မ
လေးကြောင့် သွေး သောက်လက်စအအေးပင်သီးသွား
ရတော့သည် ။ငတိမကတော့ဘာမှမသိသလိုခပ်အေး
အေးပင် သူ့ရဲ့အအေးခွက်ကိုလှမ်းယူကာဟုတ်တိပက်
တိကောက်မော့နေသေးလေသည် ။
"ဟူး အခုမှပဲအမောပြေသွားတော့တယ် ..."
ပြောရင်းခွက်ကိုစားပွဲပေါ်ပြန်ချလိုက်တော့ အအေးခွက်
ကအလွတ်သာကျန်တော့သည် ။
အင်း...ကောင်းပါတယ်လေ...
"ကိုကိုရောလို့ မေးနေတယ်လေ ..."
ဆောင့်အောင့်ပြီးထွက်လာသောအသံစူးစူးကြောင့်
သွေး စိတ်ရှုပ်ရှုပ်နဲ့နားသယ်စပ်ကိုအကြောင်းမရှိကုပ်မိ
လေတော့သည် ။
"မသိဘူး ..."
"ဘာလို့မသိရတာလဲ ..."
ငင့်...မသိပါဘူးဆိုတာကို ဘာလို့မသိရတာလဲတဲ့လေ။
သွေး ဘယ်လိုဖြေရမှန်းမသိတော့၍ မျက်နှာကိုအတင်း
မဲ့ရွဲ့မိတော့သည် ။
"ဒီမှာ အဲ ဒါနဲ့မင်းက ချယ်ရီလား သဇင်လား ..."
"ဟင် ကျွန်မက သီရိပါ ..."
"အော် အင်း အင်း မသီရိ ဆောရီးနော် ဟိုကောင်ထား
တဲ့ရည်းစားတွေကများလွန်းတော့ ကျွန်တော်လည်း
သေချာမမှတ်မိတော့ဘူး ..."
သွေးရဲ့စကားကြောင့် သီရိဆိုသောငတိမမျက်နှာအ
ပျက်ပျက်အယွင်းယွင်းဖြစ်သွားတော့သည် ။
"မဖြစ်နိုင်ပါဘူး ကိုကိုကအဲ့လိုလူမျိုးမဟုတ်ဘူး ..."
"ဟုတ်လား ..."
အထစ်ထစ်အငေါ့ငေါ့ထွက်လာသော သီရိရဲ့စကား
ကြောင့် သွေး ခနဲ့ပြုံးုပြုံးလိုက်မိတော့သည် ။
"ကိုယ့်သူငယ်ချင်းကိုဒီလိုပြောရတာတော့မကောင်းမှန်းသိပါတယ် ဒါပေမဲ့ မသီရိကိုကိုယ့်အစ်မကိုယ့်ညီမလို
သဘောထားလို့သတိပေးရမှာပဲ..."
"ရှင် ..."
"မိုးသားမာန်ဆိုတဲ့ကောင်ကိုမယုံတာကောင်းလိမ့်မယ်
အဲ့ကောင်ကငပွေး အခုလည်းမြင့်မိုရ်ဆိုလားဘာလား
အဲ့ကောင်မလေးနဲ့သွားတွေ့တယ် ..."
မယုံနိုင်ခြင်းတွေအံ့သြဝမ်းနည်းခြင်းေတွယှက်သန်းသွားသောထိုမိန်းကလေးရဲ့မျက်နှာကိုကြည့်ပြီး သွေး
စိတ်ထဲကကြိတ်ပြုံးမိတော့သည် ။
"တကယ်လားဟင် တကယ်ပြောနေတာလား ..."
"Yes totally sure ..."
အိခနဲငိုချလိုက်ကာ ဆိုင်ထဲမှပြေးထွက်သွားသော
ထိုမိန်းကလေးကိုကြည့်ရင်း သွေး လှလှပပမဲ့ခနဲပြုံးမိ
တော့သည် ။အင်း ဆိုင်ထဲမှာလူသိပ်မရှိတာကြောင့်
သူတို့နှစ်ယောက်ရဲ့အခြေအနေကိုဘယ်သူမှသတိမ
ထားမိကြပေ ။
ကျစ် ...အရေးထဲ အအေးလေးတောင်ကောင်းကောင်း
မသောက်ရတဲ့ ဘဝ ...
သွေး စိတ်ထဲကနေ မိုးသားမာန် ဆိုသောအကောင်ကို
မေတ္တာတွေတသီကြီးပို့သနေမိတော့သည် ။
ထိုစဉ် ဆိုင်ရှေ့ကနေဖြတ်သွားသောလူနှစ်ယောက် ။
အတွဲတစ်တွဲလို့ပြောရင်ပိုမှန်လိမ့်မည် ။ထိုအတွဲလေး
ထဲက မိန်းကလေးကိုသူသိသည် ။
သင်းချယ်ရီ ဆိုသောမိန်းကလေး....လွန်ခဲ့တဲ့နှစ်ရက်
လောက်မှ မာန် သူ့ကိုရည်းစားအသစ်ဆိုပြီးမိတ်ဆက်
ပေးခဲ့တာဖြစ်သည် ။
ဟက် ဟက် ...ဒင်းတို့ကဒီလိုလား ...
အတွဲဟုတ်မဟုတ် သူမသိသလို သိလည်းမသိချင် ။
သူမဘေးကတစ်ယောက်ကသူမနဲ့ဘယ်လိုပတ်သတ်
ပတ်သတ် သွေး စိတ်ထဲမှာတော့ဒါဟာအခွင့်အရေး
တစ်ခုပင် ။စိတ်ကထိုအတွေးနဲ့အတူ လက်ကလည်း
ဖုန်းကင်မရာဖြင့် ထိုအတွဲကိုလှလှပပလေးရိုက်ပြီးသား
ဖြစ်သွားလေတော့သည် ။
ထို့နောက် အော်တိုမစ်တစ်ပင် viber က chat box
ကတဆင့် မာန့်ဆီသို့ ထိုပုံကိုလှမ်းပို့ပြီးသားဖြစ်သွား
တော့သည် ။
💬ဟေး မာန် မင်းသိပြီးသားလား
ချက်ချင်း reply ပြန်လာသော မာန့်ကြောင့် သွေး ကျေ
နပ်စွာပြုံးလိုက်မိတော့သည် ။
💬No😠😠
ဘင်ဂို....စိတ်ထဲမှရေရွတ်လိုက်ရင်း လက်ကလည်း
Keyboard ကိုခပ်သွက်သွက်ရိုက်နေတော့သည် ။
💬I'm so sorry 😔😔
ဆောရီးလို့သာရေးလိုက်တာ စိတ်ထဲမှာတော့ အတော်
ပျော်နေမိတော့သည် ။
💬no problem 😁😁 I have new one 😝😝
သောက်သေနာကောင်...ချက်ချင်းဖုန်းကိုပိတ်ကာ
အအေးဖိုးရှင်းပြီး ဆိုင်ထဲမှထွက်လာခဲ့တော့သည် ။
မာန့်ရဲ့နောက်ဆုံး reply ကြောင့်စိတ်ထဲခုနကပျော်နေ
တဲ့အပျော်တွေတောင်ပျောက်သွားရလေသည် ။
မုန်းတယ် ... မာန်
မင်းဘေးနားမှာကပ်တွယ်နေတဲ့ အဲ့အမှိုက်တွေကို ...
.....
.....
.....
"ကြီးကြီး သွေးရော ..."
ဧည့်ခန်းထဲမှာထိုင်ကာ ဇာတ်လမ်းကြည့်နေသော
ကြီးကြီးမြကို မေးတော့ ကြီးကြီးမြကသူ့အားပြုံးပြရင်း
"အပေါ်ထပ်ကသူ့အခန်းထဲမှာလေ သားရဲ့ ..."
"ဟုတ် အဲ့ဒါဆိုကျွန်တော်သူ့ဆီသွားလိုက်ဦးမယ် ..."
"အေးကွယ် ..."
ကြီးကြီးမြကိုနှုတ်ဆက်ပြီးတာနဲ့ မာန် အပေါ်ထပ်သို့
ခပ်သုတ်သုတ်ပြေးတက်လာတော့သည် ။ဒီနေ့တစ်
နေ့လုံး သူ ထိုပေါက်စကိုမတွေ့ရသေးပေ ။ထို့ကြောင့်
အပြင်ကပြန်လာလာချင်းကိုယ့်အိမ်ကိုကိုယ်မပြန်သေး
ပဲ ပေါက်စဆီတန်းလာခြင်းဖြစ်သည် ။အခန်းရှေ့ရော
က်တော့ လော့ခ်မချထားသောတံခါးကိုတွန်းဖွင့်ကာ
အခန်းထဲသို့ဝင်သွားတော့သည် ။
အခန်းထဲရောက်ရောက်ချင်းမြင်လိုက်ရသည်က
ကွန်ပြူတာရှေ့ထိုင်ကာငိုက်နေသော ပေါက်စကိုပင် ။
ပိုကီမွန်အရုပ်ပုံပါသည့်ညအိပ်ဝတ်စုံအဝါတောက်တောက်လေးနှင့် ခေါင်းကိုလည်းသိုးမွှေးဦးထုပ်အဝါလေးကို
ဆောင်းထားသေးသည် ။ဘယ်လိုပဲကြည့်ကြည့်
တကယ့်ကလေးလေးတစ်ယောက်အတိုင်းပင် ။
သေးသေးညှပ်ညှပ်ကိုယ်လုံးလေးကဆုံလည်ကုလား
ထိုင်ပေါ် ဟန်ကျပန်ကျတပျဉ်ခွေထိုင်ကာငိုက်နေသည့်
ပုံစံလေးကြောင့် မာန် တကယ်ကိုအသဲယားမိသည် ။
ဒီပေါက်စကိုသူနဲ့သက်တူရွယ်တူသူငယ်ချင်းပါလို့ပြော
ရင် ဘယ်သူမှမယုံကြပေ ။တကယ်တမ်းကြည့်မယ်ဆို
ရင် ပေါက်စကသူ့ထက်ပင်လကြီးသေးသည်မဟုတ်ပါ
လား ။
မစရရင်မနေနိုင်သောညဉ်ဆိုးလေးကြောင့် မာန် သွေး
ငိုက်နေသောဆုံလည်ခုံကိုခြေထောက်နဲ့ကန်လိုက်
တော့သည် ။ဝုန်းခနဲယိုင်သွားသောခုံနှင့်အတူ ပြူးတူး
ပြဲတဲနှိုးလာသော အကောင်ပေါက်စ ။
"မိုးသားမာန် သူတောင်းစားလေး ..."
သူ့ရဲ့ကို့ ရို့ကားယားပုံစံကိုကြည့်ကာ တခွီးခွီးရယ်နေ
သော မာန့်ကိုကြည့်ရင်း ရှက်ဒေါသနှင့်အတူကျိန်ဆဲမိ
တော့သည် ။သူဘယ်လိုပဲကျိန်ဆဲနေပါစေ မိုးသားမာန်
ဆိုတဲ့ကောင်ကနည်းနည်းလေးမှအပြုံးမပျက် ။
"သူငယ်ချင်းလေး ငါဒီနေ့အသဲကွဲလာတယ် ..."
"မင်းမှာကွဲတတ်တဲ့အသဲရောရှိလို့လား ..."
သူ့ရဲ့ရွဲ့တဲ့တဲ့အမေးကို မာန်ကဂရုမစိုက်ပဲ သူ့အိပ်ရာ
ပေါ်ပိုင်စိုးပိုင်းနင်းပစ်လှဲကာခပ်တည်တည်ဝင်အိပ်နေ
တော့သည် ။
"ဟေ့ကောင် အိပ်ချင်ကိုယ့်အိမ်ကိုယ်ပြန်အိပ် ..."
ပိုင်ရှင်ကိုခွင့်မတောင်းပဲ အိပ်ရာပေါ်တက်လှဲသည့်
မိုးသားမာန်ဆိုတဲ့ငနဲသားကိုမကျေနပ်တာကြောင့်
သွေး လှဲနေသောသူ့ကိုအတင်းဆွဲထူမိတော့သည် ။
သို့သော် မာန်ကနည်းနည်းလေးမှတောင်မလှုပ်ပဲ
အတင်းဆွဲထူနေသောသူ့ရဲ့လက်ကိုပြန်ဆောင့်ဆွဲလိုက်တော့သည် ။ရုတ်တရက်မို့ သွေးရဲ့ကိုယ်လုံးလေး
ကမာန့်ကိုယ်ပေါ်သို့ ပစ်လှဲကျသွားတော့သည် ။
"လာ မင်းပါငါနဲ့အတူတူအိပ် ..."
ပြောရင်းတစ်ကိုယ်လုံးကိုသိမ်းကျုံးဖက်ထားတာမို့
သွေးရဲ့ကိုယ်သေးသေးလေးကမာန့်ရဲ့ရင်ခွင်ထဲတွင်
နစ်မြှုပ်နေလေသည် ။
"ဟေ့ကောင် ဖယ်စမ်းကွာ ငါ့ကိုလွှတ် ..."
အတင်းရုန်းကန်ကြည့်ပေမဲ့ အားသန်လွန်းသောမာန်က
သူ့လက်တွေအတင်းချုပ်ထားကာ ခြေထောက်တွေက
လည်းသူ့ခြေထောက်တွေကိုမရုန်းနိုင်အောင်အတင်း
ဖိခွထားလေသည် ။ထို့ကြောင့် ဘယ်လိုမှသူမရုန်းနိုင်
ဖြစ်မိတော့သည် ။
"ငြိမ်ငြိမ်နေကွာ သွေး ..."
အမိန့်တစ်ခုလိုမာန့်နှုတ်ကထွက်ကျလာသောစကား
တစ်ခွန်းကြောင့် သူရုန်းနေရာမှငြိမ်ကျသွားတော့သည်။
ရင်ဘတ်ထဲကနှလုံးကလည်းအပြင်သို့ထွက်ကျတော့
မယ့်အလားခုန်နေလိုက်တာဝုန်းဒိုင်းကိုကြဲနေလေသည် ။
"ဒီနေ့ငါရည်းစားနှစ်ယောက်နဲ့ပြတ်သွားတယ် ..."
"ဟုတ်လား ..."
သိပြီးသားပေမဲ့ မသိချင်ယောင်ဆောင်ကာမေးလိုက်
တော့သည် ။ရင်ထဲမှာတော့အပျော်လှိုင်းလေးတွေ
စီးဆင်းလျက် ။
"ပြီးတော့ဒီနေ့တွေ့ခဲ့တဲ့တစ်ယောက်ကိုလည်း ငါဖြတ်
တော့မလို့ ..."
"ဟင် ..."
ထိုစကားကြောင့် ရင်ထဲဝုန်းခနဲအပျော်တစ်ချို့လှိုက်
တက်သွားရတော့သည် ။သို့သော် ထိုအပျော်တွေက
ကြာကြာမခံလိုက် ။
"ဒါပေမဲ့ မင်းသိလား ငါဒီနေ့အရမ်းလှတဲ့မိန်းကလေး
တစ်ယောက်နဲ့တွေ့ခဲ့တယ် သူကငါ့ထက်တော့နည်း
နည်းကြီးတယ် ဒါပေမဲ့ပုံစံကလုံးဝအလန်း လုံးဝကို
အပြတ်ကြွေမိတာ ..."
မာန်ကတော့အားတက်သရောပြောနေပေမဲ့ သူကတော့မာန့်ရင်ခွင်ထဲမျက်နှာအတင်းအပ်ထားကာ
တိတ်တဆိတ်မျက်ရည်ဝဲနေမိတော့သည် ။မာန် ထိုသို့
မိန်းကလေးတစ်ယောက်အကြောင်းအားရပါးရပြော
တိုင်း သူ့ရင်ထဲတဆစ်ဆစ်နာကျင်ရသည် ။ဒါကို မာန်
သိမည်မထင်ပေ ။ငယ်သူငယ်ချင်းတွေမို့တစ်ယောက်
အကြောင်းတစ်ယောက်အကုန်သိမည်ထင်ကြပေမဲ့
တကယ်တမ်းမာန်ကသူ့ရင်ထဲကခံစားချက်တွေကို
သေချာမသိပေ ။ရင်ထဲကနင့်ခနဲတက်လာသောခံစား
ချက်ကြောင့် သွေး မာန့်ရဲ့ရင်ခွင်ထဲပိုတိုးဝင်ကာ မာန့်
ရဲ့ခါးကိုခပ်တင်းတင်းဖက်ထားမိတော့သည် ။
ဒီလိုလေးပဲအမြဲနေချင်မိတယ် မာန်....
မင်းရင်ခွင်ကို ငါတစ်ယောက်တည်းပဲပိုင်ဆိုင်ချင်တယ်
မုန်းတယ်....မင်းဘေးကိုကပ်လာတဲ့မိန်းကလေးတွေကို
မုန်းတယ်....ရည်းစားတွေထည်လဲတွဲနေတဲ့မင်းကို
မုန်းတယ်.....မင်းကလွဲရင်တခြားသူကိုစိတ်ထဲမထား
နိုင်တဲ့ ငါ့ကိုငါ ပိုမုန်းတယ် ....
...
...
ဆက်ရန်...
ဒီဇာတ်လမ်းမှာတော့ အစစ်မတွေသောက်မြင်ကပ်ဖို့
ကောင်းလောက်အောင်ပါပါမည် 😁😁
Bạn đang đọc truyện trên: Truyen2U.Pro